ಸುಳಾದಿ (ಜ)
||ತ್ರಿವಿಡಿತಾಳ||
ಜನಕ ನಾಮಕಳಾದ ವನಿತೆ ಭೂಸುತೆ ಸೀತೆ | ಇನಕುಲೇಶನ ರಾಣಿ ಕಲ್ಯಾಣಿಯೇ |
ಕನಕ ಜಿಂಕೆಯ ನೆವದಿಂದ ಕ್ರವ್ಯಾದರ | ಹನವನ ಗೈಸಿದೆ ಇನಿಯನಿಂದ| ಘನವಾದ
ಭೂಭಾರ ಇಳುಹಿ ಸುರರ ಕಾಯ್ದೆ | ಘನ ಕರುಣಾಂಬುಧಿ ಮುನಿವಂದ್ಯಳೆ |
ಘನ ಶ್ಯಾಮ ಅಭಿನವ ಪ್ರಾಣೇಶ ವಿಠಲನ | ಅನುಗ್ರದಿ ಅಜ ಭವರ ಸೃಜಿಪ
ಅಕ್ಷರಳೆ ||
||ಧೃವತಾಳ||
ಜಗದ ಪಾವನ್ನದ ಗೋಸುಗವಾಗಿ ಸುರಮುನಿ | ನಗಧರನನ್ನೆ ಭಜಿಸಿ ಸುಗುಣದಲ್ಲಿ
ಮಿಗೆ ಮಾನವರಾಗಿ ಭೂಸುರ ಗರ್ಭದಲ್ಲಿ ಬಂದು | ಅಘದೂರರಾಗಿ ಬಲು
ಪಸರಿಸುತ್ತ | ಅಗಣಿತ ಜ್ಞಾನ ಭಕುತಿ ವೈರಾಗ್ಯ ಪರರಾಗಿ | ಜಗಧರಸುತೆ ಬಳಿಯ
ಪಂಚಕೂಟ | ನಗ ಪಂಪಾ ನಿಧಿಯಲ್ಲಿ ವಾಸವಾಗಿ ನಿತ್ಯ | ಜಗದಗುರು
ವ್ಯಾಸರಾಯರಲ್ಲಿ | ಬಗೆ ಬಗೆಯಿಂದಲಿ ವಿಶ್ವಾಸವನ್ನುಯಿಟ್ಟು | ಯುಗಳ ಕರವ
ಮುಗಿದು ಮುದದಿಂದಲಿ | ಜಗದ ಪಾಲಕ ನಮ್ಮ ವಿಜಯ ವಿಠ್ಠಲನ ಉಪಾ |
ಸಿಗನಾಗಿ ವಿಷಯದಲ್ಲಿ ಸಿಗದೆ ಹರುಷದಲಿ ||
||ಅಟ್ಟತಾಳ||
ಜಾಗ್ರತ ಸ್ವಪ್ನ ಸುಷುಪ್ತಿಯಲ್ಲಿ ನೀನೆ | ಜಾಗರೂಕನಾಗಿ | ಜೀವನ ಪಾಲಿಸಿ |
ಭಾಗತ್ರಯದಲ್ಲಿ ವಿಭಾಗ ಮಾಡುವಿ | ನಾಗಭೂಷಣಾದಿ ಸುರರಿಗೆ ಜೀವನ | ಸಾಗರ
ಮೊದಲಾದ ಸಕಲರಲ್ಲಿ ವ್ಯಾಪ್ತ | ನಾಗರಾಜನ ಅಂಗುಟದಿ ಮೀಟಿದ ಶಕ್ತ |
ಯುಗಾದಿಕೃತುನಾಮ ಗುರು ವಿಜಯ ವಿಠಲರೇಯನ | ಯೋಗವ ಪಾಲಿಸಿ
ಭವದೂರ ಮಾಡೋದು ||
||ಜತೆ||
ಜಯಾ ಮಯಾ ಕೃತಿ ಶಾಂತಿ ಮಹಾಲಕ್ಷ್ಮೀ ದೇವಿಯೇ |
ಜಯನಾಮ ಅಭಿನವ ಪ್ರಾಣೇಶ ವಿಠ್ಠಲನ ಪ್ರೀಯೆ ||