ಸರ್ವಜ್ಞ (ಕ)
ಕಲ್ಲಮೇಲಿನ ನೀರು | ಮೆಲ್ಲನೆಯೆ ಸರಿದಂತೆ |
ಸೊಲ್ಲನಾರೈದು ನುಡಿವನ ಜಾಣ್ಮೆಯು |
ಎಲ್ಲಕ್ಕು ಮಿಗಿಲು ಸರ್ವಜ್ಞ |
ಕಲ್ಲುಕಲ್ಲನೆ ಒಟ್ಟಿ | ಕಲ್ಲಿನಲಿ ಮನೆ ಕಟ್ಟಿ |
ಕಲ್ಲ ಮೇಲ್ಕಲ್ಲ ಕೊಳುವ ಮಾನವರೆಲ್ಲ |
ಕಲ್ಲಿನಂತಹವರು ಸರ್ವಜ್ಞ |
"ಕಲ್ಲು ಕಲ್ಲೆಂಬುವಿರಿ | ಕಲ್ಲೊಳಿಪ್ಪುದೆ ದೈವ ? |
ಕಲ್ಲಲ್ಲಿ ಕಳೆಯನಿಲಿಸಿದ ಗುರುವಿನ |
ಸೊಲ್ಲಲ್ಲೆ ದೈವ ಸರ್ವಜ್ಞ |"
ಕಲ್ಲುಪ್ಪು ಕರ್ಪೂರವು | ಸೊಲ್ಲೆರಡು ದಾತೊಂದು |
ಖುಲ್ಲನೊಳ್ಳಿದನ ರೂಪೊಂದು ಗುಣದೊಳಗೆ |
ಎಲ್ಲ ಅಂತರವು ಸರ್ವಜ್ಞ |
ಕಪ್ಪೆಗಳು ಮೀನುಗಳು | ಇಪ್ಪುದದು ತೀರ್ಥವೇ ? |
ತುಪ್ಪ ಓಗರಕೆ ಸಲುವದು, ಸತ್ಪುರುಷ |
ರಿಪ್ಪುದೇ ತೀರ್ಥ ? ಸರ್ವಜ್ಞ |
"ಕತ್ತಿ ಖಂಡುಗ ಭಾರ | ಹೊತ್ತು ತಿರುಗಿದರೇನು ? |
ಹೊತ್ತು ಬಂದಾಗ ಹಿರಿಯದ ಕತ್ತಿಯನು |
ಎತ್ತಿ ಮಾರೆಂದ ಸರ್ವಜ್ಞ |"
"ಕತ್ತಿಯನು ಪಿಡಿಯುವಡೆ | ಶಕ್ತಿ ತುಂಬಿರಬೇಕು |
ಶತ್ರು ತಾ ಸುತ್ತಮುತ್ತ ಬರೆ ಕತ್ತಿಯಿಂ |
ನೆತ್ತಿ ಹೋಯ್ಯೆಂದ ಸರ್ವಜ್ಞ |"
"ಕಂಡವರ ದಂಡಿಸುತ | ಕೊಂಡವರ ಒಡವೆಗಳ |
ನುಂಡುಂಡಿ ಮಲಗಿ ಮಡಿದ ಮೇಲವಗೆ ಯಮ |
ದಂಡ ತಪ್ಪುವದೆ ಸರ್ವಜ್ಞ |"
"ಕುಡಿವ ನೀರನು ತಂದು | ಅಡಿಗೆ ಮಾಡಿದ ಮೇಲೆ |
ಒಡನುಣ್ಣಲಾಗದಿಂತೆಂಬ ಮನುಜರ |
ಒಡನಾಟವೇಕೆ ? ಸರ್ವಜ್ಞ ||"
ಕೂಳಿಂದ ಕುಲ ಬೆಳದು | ಬಾಳಿಂದ ಬಲ ಬೆಳದು |
ಕೂಳು ನೀರುಗಳು ಅಳಿದಿಹರೆ ಕುಲಜಾತಿ |
ಕೇಳ ಬೇಡೆಂದು ಸರ್ವಜ್ಞ ||"
""ಕೊಟ್ಟು ಕುದಿಯಲಿ ಬೇಡ | ಕೊಟ್ಟಾಡಿ ಕೊಳಬೇಡ |
ಕೊಟ್ಟು ನಾ ಕೆಟ್ಟೆ ನೆನಬೇಡ ! ಶಿವನಲ್ಲಿ |
ಕಟ್ಟಿಹುದು ಬುತ್ತಿ- ಸರ್ವಜ್ಞ ||"
"ಕೊಟ್ಟದ್ದು ತನಗೆ ಬ|ಚ್ಚಿಟ್ಟಿದ್ದು ಪರರಿಂಗೆ |
ಕೊಟ್ಟದ್ದು ಕೆಟ್ಟಿತೆನ್ನಬೇಡ | ಶಿವನಲ್ಲಿ |
ಕಟ್ಟಿಹುದು ಬುತ್ತಿ | ಸರ್ವಜ್ಞ ||"
"ಕೋಟಿ ವಿದ್ಯಗಳಲ್ಲಿ | ಮೇಟಿ ವಿದ್ಯವೆ ಮೇಲು |
ಮೇಟಿಯಿಂ ರಾಟಿ ನಡೆದುದಲ್ಲದೆ ದೇಶ |
ದಾಟವೇ ಕೆಡಗು ಸರ್ವಜ್ಞ ||"
"ಕೋತಿಂಗೆ ಗುಣವಿಲ್ಲ | ಮಾತಿಂಗೆ ಕೊನೆಯಿಲ್ಲ |
ಸೋತು ಹೋದವಗೆ ಜಗವಿಲ್ಲ, ಅರಿದಂಗೆ |
ಜಾತಿಯೆ ಇಲ್ಲ ಸರ್ವಜ್ಞ | "
ಕಾದ ಕಬ್ಬಿಣವು ತಾ | ಹೊಯ್ದೊಡನೆ ಕೂಡುವದು |
ಹೋದಲ್ಲಿ ಮಾತ ಮರೆದಡೆ ಕಬ್ಬಿಣವು
ಕಾದಾರಿದಂತೆ ಸರ್ವಜ್ಞ |
"ಕಾಯಕವು ಉಳ್ಳನಕ | ನಾಯಕನು ಎನಿಸಿಪ್ಪ |
ಕಾಯಕವು ತೀರ್ದ ಮರುದಿನವೆ ಸುಡುಗಾಡ |
ನಾಯಕನು ಎನಿಪ ! ಸರ್ವಜ್ಞ |"
"ಕಾಗೆಯಗುಳನು ಕಂಡು | ಕೂಗುವುದು ಬಳಗವನು |
ಕಾಗೆ ಕೋಳಿಗಳ ತೆರೆದುಣ್ಣದವ ನಿರ್ವು |
ಕಾಗೆಗು ಕಷ್ಟ ಸರ್ವಜ್ಞ |"
ಕುಟ್ಟಿಕೊಂಡರೆ ಏನಿ | ಇಟ್ಟಿ ಬೂದಿಯಲೇನು |
ಬೆಟ್ಟದಲಿ ಇದ್ದು ಫಲವೇನು ಗುರುತೋರ್ದ |
ಬಟ್ಟೆ ತಪ್ಪಿದರೆ ಸರ್ವಜ್ಞ |
ಕುದಿಯದ ಕೂಳಿಂದ | ಹದುಳದಂಬಲಿ ಲೇಸು |
ಹೃದಯಶೂನ್ಯರು ಗಳೊಲವಿಂದ ಅರಿದರಲಿ |
ಕದನವೇ ಲೇಸು ಸರ್ವಜ್ಞ |
ಕುಲವಿಲ್ಲ ಯೋಗಿಗೆ | ಛಲವಿಲ್ಲ ಜ್ಞಾನಿಗೆ |
ತೊಲೆ ಕಂಬವಿಲ್ಲ ಗಗನಕ್ಕೆ, ಸ್ವರ್ಗದಲಿ |
ಹೊಲಗೇರಿಯಿಲ್ಲ ಸರ್ವಜ್ಞ |
ಕೆಟ್ಟೀತು ಎಂಬ ಭಯ | ಬಿಟ್ಟು ನ್ಯಾಯವ ಮರೆತು |
ಪಟ್ಟದ ಅರಸು ಅನ್ಯಾಯದಲಿ ನಡೆಯೆ |
ಸೃಷ್ಟಿಗೆ ಕೇಡು ಸರ್ವಜ್ಞ |
ಕೇಳುವವ ರಿದ್ದಿಹರೆ | ಹೇಳುವದು ಬುದ್ದಿಯನು |
ಕೋಳದಲಿ ಬಿದ್ದು ನರಳುವಗೆ ಬುದ್ದಿಯನು |
ಹೇಳಿ ಫಲವೇನು ? ಸರ್ವಜ್ಞ |
ಕೂಳಿಂದ ಕುಲಬೆಳದು | ಬಾಳಿಂದ ಬಲಬೆಳದು |
ಕೂಳು ನೀರುಗಳು ಅಳಿದಿಹರೆ ಕುಲಜಾತಿ |
ಕೇಳ ಬೇಡೆಂ ದ ! ಸರ್ವಜ್ಞ ||
ಕ್ಷೀರವನು ಮಾನವರು | ಮಾರುವರು ಮನೆಮನೆಗೆ |
ಸಾರಾಯದೆಡೆಗೆ ಹಾರುವರು, ದುರುಳರ |
ದಾರಿ ಇಂತೆಂದ ಸರ್ವಜ್ಞ |
"ಕೆಲವಂ ಬಲ್ಲವರಿಂದ ಕಲ್ತು
ಕೆಲವಂ ಮಾಳ್ಪವರಿಂದ ಕಂಡು ಮತ್ತೆ
ಹಲವಂ ತಾನೆ ಸ್ವತಃ ಮಾಡಿ ತಿಳಿಯೆಂದ ಸರ್ವಜ್ಞ |"
ಕೇಡು ತಾ ಬರುವಲ್ಲಿ | ಕೂಡುವುದು ದುರ್ಬುದ್ದಿ |
ಕಾಡಿನಲ್ಲಿ ಕಿಚ್ಚು ಒಗೆದಾಗ ಮಾರುತನು |
ಕೂಡಿ ಕೊಂಡಂತೆ ಸರ್ವಜ್ಞ |
ಕೇಡನೊಬ್ಬಗೆ ಬಗೆದು | ಕೇಡು ತಪ್ಪದು ತನಗೆ |
ನೋಡಿ ಕೆಂಡವನು ಹಿಡಿದೊಗೆಯ ತನ್ನ ಕೈ |
ಕೂಡ ಬೆಂದಂತೆ ಸರ್ವಜ್ಞ |
"ಕೊಲುವ ಕೈಯೊಳು ಪೂಜೆ | ಮೆಲುವ ಬಾಯೊಳು ಮಂತ್ರ |
ಸೆಲೆಪಾಪವರೆದ ಮನದೊಳಗೆ ಪೂಜಿಪನು |
ಹೊಲೆಯ ಕಾಣಯ್ಯ ಸರ್ವಜ್ಞ |"
ಕೋಟಿ ವಿದ್ಯೆಗಳಲ್ಲಿ | ಮೇಟಿ ವಿದ್ಯೆವೆ ಮೇಲು |
ಮೇಟಿಯಿಂ ರಾಟಿ ನಡೆದುದಲ್ಲದೆ ದೇಶ |
ದಾಟವೆ ಕೆಡಗು ಸರ್ವಜ್ಞ |
"ಕೊಡುವಾತನೇ ಹರನು ! | ಪಡೆವಾತನೇ ನರನು ! |
ಒಡಲ ಒಡವೆಗಳು ಕೆಡೆದು ಹೋಗದ ಮುನ್ನ |
ಕೊಡು ಪಾತ್ರವರಿದು ! ಸರ್ವಜ್ಞ |"
"ಕೊಟ್ಟು ಕುದಿಯಲಿ ಬೇಡ | ಕೊಟ್ಟಾಡಿ ಕೊಳಬೇಡ |
ಕೊಟ್ಟು ನಾ ಕೆಟ್ಟೆ ನೆನಬೇಡ ! ಶಿವನಲ್ಲಿ |
ಕಟ್ಟಿಹುದು ಬುತ್ತಿ ! ಸರ್ವಜ್ಞ ||"